Milli Məclisin sabah keçiriləcək plenar iclasında Təhsil Nazirliyinin "Təhsil haqqında" qanuna əlavələr edilməsi üçün hazırladığı təkliflər zərfinin qəbul ediləcəyi gözlənilir.
Realpress.az Trend-ə istinadən xəbər verir ki, bunu təhsil naziri Ceyhun Bayramov bildirib.
Nazir deyib ki, "Təhsil haqqında" qanunun qəbulundan 9 il ötüb. Bu müddətdə təhsil sahəsində bir çox strateji sənədlər qəbul edilib:
"Hesab edirik ki, bütün bu dəyişikliklər "Təhsil haqqında" qanuna əlavə və dəyişiklikləri zəruri edir. Bu məqsədlə Təhsil Nazirliyi tərəfindən təkliflər zərfi hazırlanaraq Milli Məclisə təqdim olunub. Parlamentin sabah keçiriləcək plenar iclasında həmin zərfin qəbul ediləcəyi gözlənilir".
C.Bayramov əlavə edib ki, bundan sonra qanundakı hər bir istiqamət üzrə, o cümlədən müəllimlərin sertifikasiyası ilə bağlı xüsusi qaydalar hazırlanacaq. Qaydalarda bütün prosedurlar öz əksini tapacaq.
Ümummilli lider Heydər Əliyevin anadan olmasının 99-cu ildönümünə həsr olunan “Sən elə bir zirvəsən” respublika ifa müsabiqəsi mayın 5-dək davam edəcək. Müsabiqə Təhsil Nazirliyinin dəstəyi, Gənclərin Respublika Bədii Yaradıcılıq Evinin təşkilatçılığı ilə nazirlik sistemində fəaliyyət göstərən peşə və orta ixtisas təhsili müəssisələrinin şagird və tələbələri arasında keçirilir.
Magistraturaya qəbul imtahanında ən yüksək nəticə toplanılması mümkün olan 100 baldan 98 olub. Qəbul imtahanındakı nəticələri müsabiqə şərtlərini ödəyən bakalavrlar ixtisaslaşma seçiminə buraxılırlar. Müsabiqə şərtləri müxtəlif ixtisas qruplarına uyğun olaraq 30, 40, 45, 50 baldır.
Bir nəfərdə mobil telefon aşkarlandığı üçün, bir nəfər isə köçürməyə cəhd etdiyi üçün imtahandan xaric olunub və nəticələri ləğv edilib. Bundan əlavə, sual kitabçasını özü ilə aparan 4 nəfərin nəticəsi araşdırılır.
