Hansı daha faydalıdır - albalı yoxsa gilas?

Hansı daha faydalıdır - albalı yoxsa gilas?
07 İyun 2018 11:46

Gilas albalının bir növüdür və bu səbəbdən onların bir çox oxşar xüsusiyyətləri var.

Lakin albalının kimyəvi tərkibi gilasın tərkibi ilə müqayisədə bir qədər zəngindir.

Həm gilas, həm də albalı C vitamini ilə zəngindir ki, bu onları damarların sağlamlığı üçün çox faydalı edir. C vitamini damarların möhkəmliyini və elastikliyini qoruyur.

Realpress.az Saglamolun.az-a istinadən xəbər verir ki, gilas və albalı sinir sistemi üçün də çox faydalıdır - stressi azaldır, əhvalı yaxşılaşdırır.

Albalı və gilasın qırmızı növləri antosian maddələri ilə zəngindir. Bu maddələr güclü antioksidantlardır, orqanizmdə iltihabları azaldır, damarları möhkəmləndirir, görməni qoruyur, xroniki xəstəliklərin inkişafının qarşısını alır. Antosianların digər danılmaz üstün xüsusiyyəti ondan ibarətdir ki, bu maddələrin orqanizmə xərçəng əleyhinə təsir edir. Albalının tərkibində antosianlar daha çoxdur.

Albalı və gilasın qırmızı növləri həmçinin karotinlərlə zəngindir. Bu maddələr orqanizmdə ən vacib olan vitaminlədən birinə A vitamininə çevrilir. 

Qidalı liflər və pektinlə zəngin olduğundan gilas və albalı bağırsaqların fəaliyyətini yaxşılaşdırır, qəbizliyin qarşısını alır. Bu xüsusiyyət gilasda daha güclüdür.

Həm albalı, həm də gilas qanın tərkibini yaxşılaşdırır, damarlarda trombların əmələ gəlməsinin riskini azaldır, xolesterinin səviyyəsini aşağı salır.

Bu iki giləmeyvə orqanizmin tonusunu qaldırı və bu səbəbdən zəifləmiş insanlar üçün faydalıdır.

Həm albalı, həm də gilasın yüngül sidikqovucu xüsusiyyəti var ki, bu da onları sidik kisəsi və böyrəklər üçün faydalı edir.

Mədə-bağırsaq sistemi xroniki xəstəlikləri zamanı (qastrit, xora və s.) albalının istehlakı insana ziyan vura bilər. Gilasın belə əks-göstərişləri yoxdur. Lakin gilasın çoxlu miqdarda istehlakı köpə və meteorizmə səbəb ola bilər. İshala meylli olan insanlara gilasın istehlakını minimuma azaltmaq lazımdır.

Albalı ilə müqayisədə gilas bir qədər çətin həzm olunur.

Beləliklə, həm gilas, həm də albalının çox faydalı və müalicəvi xüsusiyyətləri və bəzi əks-göstərişləri var. Bunları nəzərə alaraq insan öz sağlamlığına daha uyğun olan giləmeyvəni seçə bilər.


8 Dek 2021
Səhiyyə - Sağlamlıq

Şəkərli diabet xəstələrinə verilən insulinlərin miqdarı azaldılıb? - AÇIQLAMA

Ölkədə şəkərli diabet xəstələrinin dərmanlarla təminatında ciddi problemlər var.

6 Dek 2021
Səhiyyə - Sağlamlıq

Qanda hemoqlobini artırmaq üçün vasitələr açıqlandı

Rusiyalı diyetoloq Yevgeniya Deqtyannikova qanda hemoqlobinin səviyyəsini artırmağa kömək edən bir sıra məhsullar haqqında fikirlərini bölüşüb.

3 Dek 2021
Səhiyyə - Sağlamlıq

Qəhvənin gözlər üçün gözlənilməz faydası açıqlanıb

İnsanlarda görmə kəskinliyi statik (stasionar) və dinamik (hərəkətli) şəraitdə kiçik detalları tanımaq qabiliyyəti ilə qiymətləndirilir.

20 May 2021
Səhiyyə - Sağlamlıq

Dəri xərçənginin qarşısını almaq mümkündür!

24-26 may tarixlərində, La Roche-Posay Azərbaycanın, Аzərbaycan Dermatoveneroloqlar Assosiasiyasının, Bakı Pataloji mərkəzinin təşkilatçılığı və Zəfəran Hospitalın dəstəyi ilə “Dəri xərçənginin diaqnostikası günləri” aksiyası keçiriləcəkdir.   

3 May 2021
Səhiyyə - Sağlamlıq

Hamiləlik - sağlam başlanğıcın təməli

Hamiləlik zamanı qadının orqanizmi çox ciddi yükləmələrə məruz qalır. Qadının orqanizmində yeni həyat inkişaf edir və bu həyatın normal inkişafı üçün müxtəlif vitaminlər, mikroelementlər və s. maddələr lazımdır. Hamiləlik zamanı hətta bir vacib vitaminin və ya mikroelementin çatışmazlığı həm uşağın inkişafına, həm də qadının səhhətinə mənfi təsir edir. Məsələn, uşağın sümüklərinin formalaşmasına və böyüməsinə çoxlu miqdarda kalsium elementi lazımdır. Bu element ananın orqanizminə lazım olan miqdarda daxil olmadıqda, körpədən çox ana əziyyət çəkir. Körpə ananın orqanizmindən özünə lazım olan kalsiumu sovurur ki, bunun nəticəsində ananın dişlərindən, sümüklərindən, saçlarından kalsium yuyulur. Məhz bu səbəbdən qadının orqanizmində hamiləlikdən öncə kalsium defisiti varsa və ya hamiləlik zamanı lazım olan miqdarda kalsium qəbul etmirsə, o zaman qadınlarda dişlər ovulmağa başlayır, saçlar tökülür, ayaqlarda qıcolmalar olur.