“Apple” şirkətinin həmtəsisçisi, ixtiraçı Stiv Voznyak texnoloji irəliləyişin misilsiz üstünlüklərinə baxmayaraq ümumi məxfilik itkisinə səbəb olmasını düşünür.
“ICTnews” Elektron Xəbər Xidməti “Planet Today” resursuna istinadən yazır ki, onun sözlərinə görə, texnologiyalar bəşəriyyət üzərində qələbə çalıb. Müasir dünyada artıq məxfilik termini həqiqi mənasını itirib, fərdi məlumatları isə daim bu və ya digər təhlükələr təhdid edir.
“İnsanlar çoxdan məxfiliyi itirib. Müasir insanın şəxsi həyat sirri mövcud deyil və bu, hesab edirəm ki, sadəcə rüsvayçılıqdır. Bax budur, texnoloji nailiyyətin dəyəri”, - S.Voznyak vurğulayıb.
“Apple” həmtəsisçisi qeyd edib ki, o, şirkətin mühəndisi olanda vəziyyət fərqli idi. “Biz insanı texnologiyalardan üstün tuturduq, yəni, bizim daim sadiq qaldığımız başlıca prinsip istifadəçinin adi həyat yaşamağına imkan verməkdən ibarət olub”, - o əlavə edib.
S.Voznyakın bəyanatının “Facebook” sosial şəbəkəsi istifadəçilərinin fərdi məlumatlarının kənar strukturlara sızması ilə əlaqədar olması ehtimal edilir.
Realpress.az
Vatsapın rusiyalı istifadəçiləri messencerin iş keyfiyyətindən şikayətlənirlər.
Rusiya Baş Prokurorluğu Rabitə, İnformasiya Texnologiyaları və Kütləvi Kommunikasiyalara Nəzarət üzrə Federal Xidmətindən “Instagram”a məhdudiyyət qoyulmasını tələb edib.
Notbuk seçərkən çoxsaylı modellər arasında başını itirə bilərsən. Bu halda “Apple” brendi işimizi xeyli asanlaşdırır. Belə ki, bu şirkət kəmiyyətə deyil, keyfiyyətə üstünlük verir, buna görə də onun notbukları lakonikliyi və rahatlığı ilə seçilir.