Buffalo Universitetinin mütəxəssisləri qanda narkotikin mövcudluğunu dərhal müəyyənləşdirən xüsusi nanoçip təqdim ediblər. Qurğu həkimlər və hüquq-mühafizə orqanları əməkdaşları üçün nəzərdə tutulur.
“ICTnews” Elektron Xəbər Xidməti “Life” resursuna istinadən yazır ki, çip qızıl tozu ilə örtülmüş gümüş lövhədən ibarətdir. Çiplə kontakta girən müxtəlif maddələri işığın təsiri vasitəsilə operativ analiz edərək nəticələri dərhal tədqiqatçının kompüterinə göndərmək mümkündür. Məsələn, çip vasitəsilə bir neçə gün əvvəl narkotik maddə qəbul edən şəxsin qanı və ya tüpürcəyi buraxılan zaman qurğu onun mövcudluğunu aşkarlayır. Bundan başqa, bunun üçün qanın laboratoriyaya aparılaraq uzun müddət ərzində sınaqdan keçirilməsinə ehtiyac qalmır.
Alimlər çipi polislər tərəfindən sükan arxasında sərxoşluğun qarşısının alınması üçün istifadə edilən alkotester qurğusu ilə müqayisə edirlər. Mühəndislərin sözlərinə görə, çip qanda narkotikin mövcudluğunu təxminən 2 dəqiqəyə müəyyənləşdirir. Növbəti addım məhsulu sınaqdan keçirərək onu kütləvi istehsala verməkdir. Nanoçipin müsbət cəhətlərindən biri kimi onun maya dəyərinin az – 10 sent olması qeyd olunur.
Realpress.az
Vatsapın rusiyalı istifadəçiləri messencerin iş keyfiyyətindən şikayətlənirlər.
Rusiya Baş Prokurorluğu Rabitə, İnformasiya Texnologiyaları və Kütləvi Kommunikasiyalara Nəzarət üzrə Federal Xidmətindən “Instagram”a məhdudiyyət qoyulmasını tələb edib.
Notbuk seçərkən çoxsaylı modellər arasında başını itirə bilərsən. Bu halda “Apple” brendi işimizi xeyli asanlaşdırır. Belə ki, bu şirkət kəmiyyətə deyil, keyfiyyətə üstünlük verir, buna görə də onun notbukları lakonikliyi və rahatlığı ilə seçilir.
