Tarixi bu günə gətirən şəhər – Afina

Tarixi bu günə gətirən şəhər – Afina
17 Apr 2018 08:50


Yunanıstanın paytaxtı Afina təxminən, 4 milyona yaxın əhalisi və isti qilimi ilə turistlərə xoş əhval bəxş edir. Şəhərə ilin müxtəlif fəsillərində dünyanın hər yanından minlərlə insan gəlir.

Qədim dövrlərdən bu günədək önəmini itirməyən Afina mavi dənizi, tarixi gözəllikləri və mədəniyyətinin zəngin olması ilə insanların marağına səbəb olur. Üç tərəfi dağlarla əhatələnən şəhərdə tarixi və modern memarlıq harmoniya təşkil edir.

Təbii gözəliklərini tarixi zənglikliklərlə birləşdirən Afinada Neolit dövründən indiyədək yaşayış məskənləri  mövcud olub. Şəhərin adı müharibə ilahəsi Afinanın adından götürülüb.

1834-cü ilədək Osmanlı İmperiyasının hakimiyyəti altında olan şəhər bu tarixdən sonra paytaxt olaraq qarşımıza çıxır və hazırda daha çox turizm dəyəri ilə önplandadır.

Hər mövsüm öz fərqliliyi ilə seçilən Afinada havalimanından şəhər mərkəzinə getmək üçün avtobus, metro ya da tramvaydan istifadə edə bilərsiniz.

Şəhərin ən yüksək nöqtələrindən birində yerləşən Akropolis gəzməli olduğunu yerlərdən ilki olmalıdır. Yunanca “Yuxarıda olan şəhər” mənasına gələn və qədim dövrlərdə insanların toplaşdığı məkan – Akropolis gecələr işıqlandırılma sisteminin fərqli olması ilə də diqqət çəkir. 

Demokratiyanın yarandığı yer olaraq tanınan Akropolisdə dünyada ən böyük məbəd olan “Parthenon”, hələ də bəzi mərasimlərin keçirildiyi “Herodes Atticus” Teatrı, “Dionysos” Teatrı, “Propylaia” və “Erekhtheion” məbədləri yerləşir.

Afinanın mərkəzi olan “Syntagma” Meydanı az da olsa, Nizami Küçəsini xatırladır. Burada yerləşən Parlament Binası da görüntüsü ilə göz oxşayır.

Turistlərin axın etdiyi məkanlardan biri də şəhərin mərkəzində yerləşən “Monastiraki” Meydanıdır.

Həmçinin, vaxt keçirə biləcəyiniz yerlərdən biri də Akropolisin yamaclarında yerləşən Anafiotika Bölgəsində mavi pəncərələri olan ağ evlərin olduğu küçələrdir.

Afina metro, tramvay və avtobus kimi şəhərdaxili nəqliyyat vasitələri ilə rahatlıqla gəzə biləcəyiniz yerlərdəndir. Müsair standartlara uyğun metro şəbəkəsi vasitəsilə şəhərin mərkəzindən bütün nöqtələrinə asanlıqla gedə bilərsiniz.

Akropolis illər keçməsinə rəğmən şəhərin ən köhnə nöqtəsi olaraq tanınır. 

Gəzərkən Akropolisin tarixi nəfəsini hiss edə, döngələrində itə bilərsiniz.

Daş küçələrində canlı musiqi eşidib müsbət auralı bir gün keçirə, axşam gözəl bir şam yeməyi ilə şəhərin mənzərəsinin dadını çıxara bilərsiniz...

Ermou küçəsi şəhərin ən populyar yerləri arasındadır. Küçənin hər iki tərəfində sıra ilə düzülən evlər maraqlı memarlıq üslubu ilə görənləri heyran edir. “Syntagma” Meydanı ilə hüdudlanan Ermouda alış-veriş edə, yorulduğunuzda isə kafelərdən birində əyləşib, menyudan gözəl bir içki sifariş verə bilərsiniz.

Olduqca lüks mağazaların yan-yana düzüldüyü Kolonaki küçəsi alış-veriş etmək isətəyənlər üçün əsrarəngiz bir dayanacaqdır.

Həmçinin, bu bölgədə Müasir İncəsənət Muzeyi və Benaki Muzeyini ziyarət edə bilərsiniz. Neolit dövründən Roma dönəminə qədər geniş bir arxivə sahib olan Beynəlxalq Arxeoloji Muzeyi də turistlərin axın etdiyi yerlər arasındadır.

Afinada diqqətçəkən digər məqam isə mətbəxinin olduqca rəngli və dadlı olmasıdır.
Akropolisdə olarkən bunun fərqinə varacaqsınız. Çünki ovsunlayıcı bir mənzərəyə baxaraq yeni dəniz məhsullarından dada biləcəksiniz. 

Zeytun yağı da bu mətbəxdə öz yerini qoruyur. Hər damağa xitab edən Yunanıstanın milli içkisi Uzo, pendirlə hazırlanan Yunan salatı, Dolmades və Caciki restoranlarda qarşınıza çıxan ləzzətlər arasında yer alır.


23 Fev 2022
Turizm

İndoneziya aprel ayında karantin qaydalarını ləğv edir

İndoneziya aprel ayında bütün karantin tələblərini ləğv etmək niyyətindədir.

23 Fev 2022
Turizm

Yunanıstanla bağlı reklam roliki sosial şəbəkə istifadəçilərini təəccübləndirdi - VİDEO

Yunanıstanda istirahətlə bağlı çəkilən yeni reklam sosial şəbəkə istifadəçilərini xeyli təəccübləndirib. Rolik Yunanıstanın milli turizm təşkilatı “Visit Greece” tərəfindən hazırlanıb.

22 Fev 2022
Turizm

Avstraliya iki ildən sonra qapılarını açdı

Avstraliya koronavirus səbəbiylə iki ilə yaxındır bağlı saxladığı qapıları peyvənd olunmuş səyahətçilərin üzünə tamamilə açıb.

22 Fev 2022
Turizm

Avropanın ən yüksək işsizlik səviyyəsinə malik ölkəsi məlum olub

Avropada ən yüksək işsizlik səviyyəsinə malik ölkələr arasında ilk yerləri ardıcıl olaraq, İspaniya (13,4 faiz) və Yunanıstan (13,2 faiz) paylaşır.

21 Fev 2022
Turizm

Turistlərə təcili yardım mütləq şərt olacaq: Turoperatorların məsuliyyəti artır - VİDEO

Bəzən xaricə səfər edən və ya xaricdən ölkəmizə gələn turistlərin turoperator və ya turagentlər tərəfindən aldadıldığının şahidi oluruq.