Çempionlar Liqasının 1/8 final mərhələsinin daha iki qarşılaşması keçirilib.
realpress.az-ın xəbərinə görə, İngiltərənin “Mançester Yunayted” komandası doğma meydanda gözlənilmədən İspaniyanın “Sevilya” klubuna 1:2 hesabı ilə uduzub.
Qonaqların heyətində Ben Yedder 74 və 78-ci dəqiqələrdə fərqlənərək dubla imza atıb. Qırmızı şeytanlar isə buna yalnız bir qolla cavab verə biliblər. Romeo Lukaku 84-cü dəqiqədə fərqlənib.
Xatırladaq ki, İspaniyada keçirilən ilk oyun 0:0 hesabı ilə başa çatıb. İki oyunun nəticəsinə görə, İspaniya təmsilçisi növbəti mərhələyə vəsiqəni təmin edib.
Günün ikinci qarşılaşmasında İtaliyanın “Roma” klubu ilk oyunda səfərdə 2:1 hesabı ilə uduzduğu Ukraynanın “Şaxtyor” komandasını qəbul edib.
Matç italyanların minimal hesablı qələbəsi ilə başa çatıb. “Roma”nı növbəti mərhələyə aparan yeganə qolu 52-ci dəqiqədə Edin Dzeko vurub.
Qadın şahmatçılar arasında Avropa çempionatında IV turun oyunları keçirilib.
Azərbaycanın üç boksçusu Serbiyanın paytaxtı Belqradda keçirilən Avropa çempionatının beşinci günündə çıxışını qələbə ilə başa vurub.
Azərbaycan paraüzgüçüsü Raman Saley Portuqaliyanın Madeyra şəhərində keçirilən Avropa Açıq Çempionatının ikinci günündə gümüş medal qazanıb.
