Ölkəmiz beynəlxalq mədəniyyət və kulinariya festivalında təmsil olunub

Ölkəmiz beynəlxalq mədəniyyət və kulinariya festivalında təmsil olunub
09 Mar 2018 14:04

Realpress.az AZƏRTAC-a istinadən  xəbər verir ki, universitetdə 40-dan çox ölkənin iştirakı ilə keçirilmiş tədbirdə Azərbaycanın incəsənəti, milli paltarları və rəqsləri, həmçinin zəngin mətbəximizin ləziz təamları nümayiş etdirilib.

Azərbaycana aid stenddə ölkəmizə dair müxtəlif çap materialları, musiqi və incəsənət nümunələri yer alıb, kulinariya bölümündə nümayiş etdirilən plov, dolma, şəkərbura, paxlava, qoğal, həmçinin “Azərsun” şirkətinin mürəbbə və içkiləri, “Xurcun” şirkətinin qoz-fındıq və çərəzləri iştirakçılara ikram edilib. Tədbirin milli paltarlar və rəqslər hissəsində universitetdə təhsil alan azərbaycanlı tələbələr Məryəm Bağırova, Tomris İsmayılzadə, İranə Hüseynova, həmçinin BƏƏ-də yaşayan soydaşımız Nəsrin Elnurqızı tərəfindən milli paltarlar və rəqslərimiz nümayiş etdirilib.

Rəqslərin nümayişi zamanı səhnədə quraşdırılmış böyük ekranda Bakı və Azərbaycanın görməli yerləri, ölkəmizdə keçirilən böyük tədbirlər və s. kimi cəlbedici görüntüləri əks etdirən videoçarx nümayiş olunub.

Azərbaycan stendində həmçinin torpaqlarımızın Ermənistan tərəfindən işğalı, bunun nəticəsində bir milyondan çox insanın qaçqın və köçkün düşməsi, Azərbaycanın təbiət və mədəniyyətinə dəyən zərər, iqtisadi ziyan, məscidlərin və tarixi abidələrin dağıdılması barədə məlumatlar da yerləşdirilib.

BƏƏ-də akkreditasiya olan bir sıra ölkələrin səfirləri ilə birgə mədəni proqramları izləyən universitetinin rektoru Erik Fuaşe Azərbaycan səfirliyinə və tələbələrinə ayrıca minnətdarlıq ifadə edib, universitetin mədəni və sosial həyatında Azərbaycanlı tələbələrin fəal iştirakından çox məmnun olduğunu bildirib.


6 Noy 2023
Mədəniyyət

“Avroviziya 2024” mahnı müsabiqəsinə seçim davam edir - FOTO

“Avroviziya 2024” mahnı müsabiqəsində ölkəmizi təmsil edəcək iştirakçının seçimləri başlayıb.

15 İyun 2022
Mədəniyyət

Leyla Əliyeva Cenevrədə “Mənim dənizlərim, mənim okeanlarım” sərgisinin açılışında iştirak edib

Heydər Əliyev Fondunun və IDEA (Ətraf Mühitin Mühafizəsi üzrə Beynəlxalq Dialoq) İctimai Birliyinin təşəbbüsü, Birləşmiş Millətlər Təşkilatının (BMT) Cenevrə şəhərindəki bölməsi və Azərbaycanın BMT-nin Cenevrə şəhərindəki bölməsi yanında daimi nümayəndəliyinin dəstəyi ilə təşkil edilən “Mənim dənizlərim, mənim okeanlarım” (My Seas, My Oceans) sərgisinin açılışı olub.

14 İyun 2022
Mədəniyyət

Azərbaycanda kinoşünaslar üçün yeni sayt yaradılıb

Azərbaycan Kinematoqrafçılar İttifaqı (AKİ) kinoşünaslar və kinoyazarlar üçün yeni sayt təsis edib.

14 İyun 2022
Mədəniyyət

Azərbaycan Kinematoqrafçılar İttifaqı Rasim Balayevi tənqid edənlərə xəbərdarlıq edib

Azərbaycan Kinematoqrafçılar İttifaqı (AKİ) təşkilatın sədri Xalq artisti Rasim Balayevi tənqid edənlərə xəbərdarlıq edib.