Xocalı qətliamından 26 il ötür. Dünya ictimaiyyəti hələ də bu haqsızlığı, terroru görməzdən gəlir.
realpress.az həqiqətlər və onun dünyaya çatdırılması barədə politoloq Elxan Şahinoğlu ilə söhbətləşib.
– Xocalı faciəsindən 26 il ötməsinə baxmayaraq, əhali hələ də həmin hadisələri xatırlayır. Bu faciə barədə nə deyə bilərsiniz?
– Xocalı soyqırımı ermənilərin Azərbaycan xalqına qarşı ilk xəyanəti və vəhşiliyi deyil. 1918-ci ildə Bakıda və digər bölgələrdə ermənilər kütləvi qətliamlar törədib.
Sonradan Azərbaycan və Ermənistan SSRİ-yə üzv oldu. Tərəflər arasında ədavət sakitləşdi, azərbaycanlılar erməni xalqına nifrət bəsləmirdi.
Ancaq bu 70 il ərzində ermənilər öz tamahkar planlarını hazırlamaqda idi və onu həyata keçirmək üçün münasib vaxt gözləyirdilər.
1987-ci ildə erməni separatçılığı fəallaşanda bu, bizdə şok effekti yaratdı. Arxadan vurulan zərbəyə hazır deyildik. Bunun davamı olaraq, ermənilər işğalçı siyasətlərini işə saldı və Xocalıda soyqırımı törətdi.
Dinc əhaliyə qarşı bu vəhşilikləri törədənlərin II Dünya Müharibəsi zamanı yəhudiləri qıran faşist almanlardan, 1990-cı illərdə Serebrenitsa soyqırımını törədənlərdən heç bir fərqi yoxdur.
Yeganə fərq odur ki, həm almanlar, həm də Serebrenitsa soyqırımını törətməkdə təqsirləndirilənlər artıq mühakimə olunub. Vaxt gələcək Xocalı soyqırımını törədənlər də əməllərinə görə cavab verəcəklər.
– Sizcə, nə üçün dünya ictimaiyyəti həmin hadisələrə göz yumur?
– Xocalı soyqırımı bəzi dövlətlərin parlamentləri tərəfindən tanınıb. ABŞ-ın bir sıra ştatları da onu tanıyıb. Həmin parlamentlərin çıxardığı qətnamələr Ermənistan hökuməti və erməni lobbisinə ağır zərbə vurur.
Erməni lobbisi dünyanın bu soyqırımı unutmasını istəyir, ancaq güclü səylərinə baxmayaraq, buna nail ola bilməyiblər.
Xocalı soyqırımı çoxdan baş verməyib və bu hadisənin miqyası o qədər də kiçik deyil. Xocalı soyqırımı və qondarma “erməni soyqırımı” arasında böyük fərq var.
100 il əvvəl baş verdiyi iddia olunan “erməni soyqırımı” tarixi sənədlərlə öz sübutunu tapmayıb. Xocalı soyqırımı isə 26 il əvvəl baş verib və həmin hadisələrin canlı şahidi olan insanlar hələ də sağdır.
Erməni vəhşiliklərini sübuta yetirən çoxsaylı sənədlər, fotoşəkillər və videogörüntülər var. Bunu danmaq mümkünsüzdür.
Bu gün hökumətin və Heydər Əliyev Fondunun Xocalı soyqırımıın dünya ölkələrində tanınması istiqamətində gördüyü işləri xüsusi qeyd etmək lazımdır. Hal-hazırda dünyanın bir çox ölkələrində yaşayan insanların Xocalı soyqırımından xəbəri var.
“Xocalıya ədalət” kampaniyası dünyanın əksər ölkələrində aparılır.
“Azərbaycan Respublikasının Prezidenti İlham Əliyev 1992-ci ildə ermənilər tərəfindən törədilmiş Xocalı soyqırımı barədə demişdir: “Xocalı faciəsi erməni millətçilərinin yüzilliklər boyu türk və Azərbaycan xalqlarına qarşı apardığı soyqırımı və etnik təmizləmə siyasətinin qanlı səhifəsi idi”. Həqiqətən də XX əsrin sonunda törədilmiş bu qətliam sadəcə Azərbaycan xalqına deyil, əslində bütün bəşəriyyətə qarşı yönəlmiş ən ağır cinayətlərdən biridir.”
“Azərbaycan və Serbiyanın ümumi maraqları ilk növbədə ondan irəli gəlir ki, onlar öz tarixlərinin əhəmiyyətli hissəsini daha böyük dövlət ittifaqı çərçivəsində yaşamış iki müstəqil ölkədir: Azərbaycan SSRİ-nin tərkibində idi, Serbiya isə keçmiş Yuqoslaviya respublikalarından biri olub”.
Tovuzun "Turan” klubunun qurucusu və sabiq prezidenti Vidadi Əhmədovun "Realpress.az"a müsahibəsi
Rusiya prezidenti Vladimir Putinlə fransalı həmkarı Emmanuel Makron arasında son danışıqlardan sonra Fransa lideri Ermənistanda tənqid olunmağa başlayıb. Belə ki, erməni siyasi müşahidəçi Naira Ayrumyan qeyd edib ki, fevralın 4-də Azərbaycan Prezidenti İlham Əliyevin, Avropa İttifaqının sədri kimi Makronun özünün, Avropa Şurasının rəhbəri Şarl Mişel və Ermənistanın baş naziri Nikol Paşinyanın iştirakı ilə videokonfrans vasitəsilə keçirilən görüşdə Fransa rəhbəri ATƏT-in Minsk prosesi çərçivəsində Qarabağ üzrə danışıqların bərpasının zəruriliyindən bir kəlmə də danışmayıb.
Bu yaxınlarda Rusiya və Çin liderləri Vladimir Putin və Si Cinpin həm təhlükəsizlik təminatlarına, həm də xarici qüvvələrin suveren ölkələrin daxili işlərinə müdaxiləsinin yolverilməzliyinə aid birgə bəyanatı imzaladıqdan sonra məlum oldu ki, dünyada anti-Qərb strukturu qurulur.
