TÜRKİYƏ PARLAMENTİNİN DEPUTATLARI MİLLİ MƏCLİSDƏ

TÜRKİYƏ PARLAMENTİNİN DEPUTATLARI MİLLİ MƏCLİSDƏ
12 2016 17:48

Aprelin 12-də Milli Məclisin Azərbaycan – Türkiyə parlamentlərarası əlaqələr üzrə işçi qrupu üzvlərinin ölkəmizdə səfərdə olan Türkiyəli həmkarları ilə görüşü oldu. 
Qonaqları Azərbaycan parlamentində salamlamaqdan xüsusi məmnunluq duyduğunu bildirən Milli Məclisin Səhiyyə komitəsinin sədri, işçi qrupun rəhbəri Əhliman Əmiraslanov xalqlarımızın bu gün bütün dünyaya nümunə sayılacaq qardaşlıq və dostluq münasibətlərindən geniş söhbət açdı. Eyni dilə, eyni dinə, eyni tarixi və milli adət-ənənələrə malik olduğumuzu dilə gətirdi. Komitə sədri münasibətlərimizin bu səviyyəyə çatmasında hər iki ölkə Prezidentlərinin rolunu, onların mütəmadi qarşılıqlı səfərlərini xüsusi vurğuladı. O, dostluq qruplarının fəaliyyətindən, ümumtürk birliyindən, milli-mənəvi dəyərlərimizdən danışdı. 
Türkiyə parlamentinin Adanadan olan millət vəkili, Türkiyə-Azərbaycan parlamentlərarası dostluq qrupunun rəhbəri Necdət Ünüvar səmimi görüş üçün minnətdarlığını bildirdi. O, Azərbaycan xalqının ümummilli lideri Heydər Əliyevin “Bir millət, iki dövlət!”, dahi Atatürkün “Azərbaycanın sevinci sevincimiz, kədəri kədərimizdir!” deyimlərinin hər iki xalqın dilində əzbər olduğunu qeyd etdi. Qonaq son günlər cəbhə bölgəsində gedən ağır döyüşlərdə şəhid olan oğullarımıza görə Azərbaycan xalqına Türkiyə hökuməti və parlamenti adından başsağlıqlarını çatdırdı. Hər zaman olduğu kimi bu çətin dönəmdə də xalqımızın yanında olduqlarını vurğuladı. Dağlıq Qarabağın tezliklə erməni işğalından azad olacağına, qaçqın və məcburi köçkünlərin öz doğma yurd-yuvalarına dönəcəyinə əminliyini bildirdi. 
Görüşdə işçi qrupun üzvləri, Milli Məclisin Aqrar siyasət komitəsinin sədri Eldar İbrahimov, deputatlardan Məlahət İbrahimqızı, Şəmsəddin Hacıyev, İlham Əliyev, Kamaləddin Qafarov, Türkiyənin Azərbaycandakı səfiri Alpər Coşkun, Türkiyə parlamentinin deputatları Dursun Şişək, Əhməd Arslan və digər rəsmi şəxslər iştirak edirdilər. 


Tags

# kəmaləddin qafarov, kamaləddin qafarov, qafurov, kemaleddin qafarov, deputat, milli məclis, milli meclis


19 İyun 2017

Gürcüstandan ölkəyə avtomobil idxalı iki dəfə artıb

Bu ilin yanvar-may aylarında Gürcüstandan Azərbaycana 14 mln. 406,5 min ABŞ dolları dəyərində 556 ədəd avtomobil gətirilib. Oxu.Az apa-ya istinadən xəbər verir ki, bu barədə Gürcüstanın Statistika Xidməti məlumat yayıb. Ölkəyə gətirilən avtomobillərin sayı ötən ilin 5 ayı ilə müqayisədə 336 ədəd və ya 2,53 dəfə çoxdur. Məbləğ baxımından isə bu rəqəm 7 mln. 311,2 min dollar və ya 2,03 dəfə çoxdur. 2016-cı ilin 5 ayında Gürcüstandan Azərbaycana 7 mln. 095,3 min dollar məbləğində 220 ədəd avtomobil gətirilib. Qeyd edək ki, bu ilin beş ayında ümumilikdə ölkəyə 2 657 ədəd avtomobil idxal olunub. Bunun da 2 240 ədədi minik avtomobili və digər motorlu nəqliyyat vasitələrinin payına düşüb. Avtomobil idxalı 19 faiz artıb

8 May 2017

Yeni qanun - Yaşıl Pasport

Azərbaycanda prezidentin fəaliyyətini bilavasitə təmin edən orqanların əməkdaşları diplomatik pasportla təmin olunacaqlar. Enter.News -un məlumatına görə, bununla bağlı “Pasportlar haqqında” qanunun 6-cı (Diplomatik pasport) maddəsinə əlavələr təklif edilir. Təklif olunan əlavələrə əsasən, Xarici İşlər Nazirliyi Azərbaycan Respublikası Prezidentinin fəaliyyətini bilavasitə təmin edən orqanların əməkdaşlarına da diplomatik pasport verəcək. Layihə plenar iclasa tövsiyə olunub və mayın 16-da müzakirəyə çıxarılacaq.

1 Fev 2017

Kamaləddin Qafarov : Azərbaycanın səhiyyə üzrə milli strategiyasında onkologiyanın inkişaf dinamikası

Azərbaycanın səhiyyə, tibb elmi və təhsili sisteminin bugünkü inkişafının ən mühüm mərhələləri bilavasitə xalqımızın Ümummilli lideri Heydər Əliyevin adı ilə bağlıdır. Ulu öndər Azərbaycan xalqının tibbi təminatını daim diqqət mərkəzində saxlamış və ölkəmizdə səhiyyə sisteminin müntəzəm olaraq yaxşılaşması üçün böyük işlər görmüşdür.

12 Dek 2016

Kamaləddin Qafarov çıxışında Heydər Əliyevlə bağlı şahidi olduğu xatirəsini bölüşdü

10 dekabr 2016-cı il tarixdə Yeni Azərbaycan Partiyası Binəqədi rayon təşkilatının inzibati binasında Binəqədi Rayon İcra Hakimiyyəti və Yeni Azərbaycan Partiyası Binəqədi rayon təşkilatının birgə təşkilatçılığı ilə Azərbaycan xalqının ümummilli lideri, dahi şəxsiyyət Heydər Əliyevin vəfatının 13-cü ildönümünə həsr olunmuş anım tədbiri keçirildi.

12 Dek 2016

Binəqədidə Ümummilli Liderin xatirəsi anılıb FOTOLAR

Bu gün Binəqədi Rayon İcra Hakimiyyəti və Yeni Azərbaycan Partiyası Binəqədi rayon təşkilatının birgə təşkilatçılığı ilə Ümummilli lider Heydər Əliyevin vəfatının 13-cü ildönümünə həsr olunmuş anım tədbiri keçirilib.