Sürücülərin NƏZƏRİNƏ: cərimələr artırılır

Sürücülərin NƏZƏRİNƏ: cərimələr artırılır
05 Dek 2016 15:33

Azərbaycanda avtomobilləri parketmə qaydalarının pozulmasına və avtomobilin idarəsi zamanı “əlil” adından yalandan istifadəyə görə cəzalar tətbiq edilir.

Milli Məclisin Hüquq siyasəti və dövlət quruculuğu komitəsinin bu gün keçirilən iclasında bununla bağlı İnzibati Xətalar Məcəlləsinə əlavələr edilməsi müzakirə olunub. Məcəlləyə əlavə edilməsi təklfi edilən 342.1.11 maddəsinə görə, “əlil” tanınma nişanından qanunsuz istifadə edilməsinə görə, 40 manat məbləğində cərimə tətbiq olunacaq. Əlavə edilən digər 346-1.1 və 346-1.2 maddəsinə görə isə nəqliyyat avsitəsinin parklanmasına görə müəyyən edilmiş ödəniş aparılmadan və ya ödəniş aparılmış müddətdən artıq parklanma yerindən istifadə üçün əlavə ödəniş edilmədən sürücünün parklanma yerini tərk etməsinə görə, bundan başqa nəqliyyat vasitəsinin qanunla müəyyən edilmiş parklanma üsulunu pozmaqla parkalnmaya görə 10 manat məbləğində cərimə tətbiq olunacaq.

Məcəlləyə əlavə edilən digər 346-1.3 maddəsinə görə, əlillərin nəqliyyat vasitələri üçün nəzərdə tutulmuş parklanma yerlərində digər nəqliyyat vasitələrinin parklanmasına görə 10 manat cərimə tətbiq olunur.
Əlavə edilən başqa 346.1-4 maddəsinə görə isə parklanma yerlərində icazə verilmiş maksimum kütləsi 3,5 tondan çox olan yük avtomobillərinin parklanmasına görə, habelə parklanma yerlərinin rezervasiya edilməsi və ya digər üsullarla nəqliyyat vasitələrinin sərbəst parklanmasına maneələr yaradılmasına görə 10 manat məbləğində cərimə tətbiq olunacaq.
Əlavə edilən 346-1.5 maddəsinə görə isə nəqliyyat vasitəsinin 24 saatdan artıq parklanma yerində saxlanmasına görə isə 20 manat məbləğində cərimə tətbiq edilir.

Layihə Milli Məclisin plenar iclasına tövsiyə olunub.


19 İyul 2019
Cəmiyyət

Qəbul imtahanlarının nəticələri - Bir nəfər maksimum bal topladı

Qəbul imtahanlarının nəticələri - Bir nəfər maksimum bal topladı

19 İyul 2019
Cəmiyyət

Pirşağıda gənclərin boğulması ilə bağlı YENİ MƏLUMAT - FOTO (YENİLƏNİB)

Dünən Bakının Pirşağı qəsəbəsi çimərliyində baş verən faciə ilə bağlı yeni faktlar üzə çıxıb.

19 İyul 2019
Cəmiyyət

Bulvar idarəsindən ilan VİDEOsuna REAKSİYA

Bakı Bulvar İdarəsi bulvar ərazisində ilanların olması ilə bağlı məsələyə aydınlıq gətirib.