Media Təqib Mərkəzi deputatlarla bağlı mart ayı üzrə məlumatları təqdim edir.

 

2016-cı ilin mart ayında elektron mətbuatda, yəni sayt və portallarda deputatlarla əlaqəli 19805 xəbər yerləşdirilib. Bunlardan 527 xəbər mənfi, 334 xəbər müsbət və 18944 xəbər isə neytraldır. Mənfi xəbərlər arasında liderlər: Nəriman Əliyev (104 xəbər - deputatın diplomunun, hərbi biletinin saxta olması iddiası), Hacı Salayev (58 xəbər - çörək zavodu ilə bağlı şikayətlər, deputatın oğlu ilə bağlı iddialar və s.), Rüfət Quliyev (46 xəbər - seçicilərini qapıdan qovması, iki ayağını itirmiş qazini təhqir etməsi iddiaları).

 

 

 

Yazılı mətbuatda (qəzet və jurnallarda) bu sektorla əlaqəli 2300 xəbər dərc edilib. Bu xəbərlərdən 2266-sı neytral, 27-si müsbət, 7-si isə mənfi xəbərlərdir. Mənfi xəbərlər Elmira Axundova  (2 xəbər - deputat və oğlu ətrafında olan maliyyə qalmaqalı), Nəriman Əliyev (2 xəbər - deputatın diplomunun saxta olması iddiası),  Şəmsəddin Hacıyev (2 xəbər - deputatın rektor olduğu müddətdə universitetdə rüşvət alması iddiaları) və Mirkazım Kazımova (1 xəbər - “Azadlıq” qəzetinə borcunu ödəməməsi) məxsusdur. Müsbət xəbərlər isə Mehriban Əliyeva (24 xəbər - müxtəlif medallarla təltif olunması) və Mixail Zabelinə (3 xəbər - prezidentin fəxri diplomu ilə təltif edilməsi) məxsusdur.

 

 

 

Mart ayında televiziya kanallarında deputatlar haqqında  1472 xəbər göstərilib.

 

 

 

Xatırladaq ki, Media Təqib Mərkəzi ölkədə mövcud olan bütün sahələrin analizini aparır. Monitorinq sahəsinə ölkədə dərc olunan 100-ə qədər qəzet və jurnal (o cümlədən, 35 gündəlik qəzet), elektron vasitələrdə yayımlanan 1400 sayt (o cümlədən, 450 gündəlik yenilənən sayt), 12 televiziya  kanalı, 12 radio kanal və sosial şəbəkələr daxildirlər.