Kamaləddin Qafarovun ilk dəfə səs verən gənclərlə görüşü keçirildi

Kamaləddin Qafarovun ilk dəfə səs verən gənclərlə görüşü keçirildi
10 Okt 2015 00:00

Yeni Azərbaycan Partiyası tərəfindən 9 saylı Binəqədi ikinci Seçki Dairəsi üzrə deputatlığa namizədliyi irəli sürülmüş Qafarov Kamaləddin Nəsrəddin oğlunun ilk dəfə səs verəcək gənclərlə görüşü keçirildi.

Görüşü giriş sözü ilə açan YAP Mərkəzi Seçki Qərargahının Binəqədi rayon şöbəsinin sədri, namizədin səlahiyyətli nümayəndəsi Ramiz Göyüşov gənclərə Azərbaycanda mövcud olan seçki qanunvericiliyi və bu günədək keçirilən seçkilər barədə ətraflı məlumat verdi. O, seçki prosesinin ölkənin ictimai-siyasi həyatında mühüm rol oynadığını və bu prosesin taleyüklü hadisə olduğunu vurğuladı. R.Göyüşov gənclərə bu ilin noyabr ayının 1-də keçiriləcək parlament seçkiləri barədə ətraflı məlumat verdi. Ölkənin qanunverici orqanına keçirilən seçkinin mühüm əhəmiyyət daşıdığını bildirdi və hər bir gənci bu prosesdə fəal olmağa çağırdı. YAP-ın parlament seçkilərində irəli sürdüyü namizədlərə diqqət çəkərək, onların ictimai-siyasi fəaliyyətini yüksək qiymətləndirdi. YAP-ın 9 saylı Binəqədi ikinci Seçki Dairəsi üzrə deputatlığa namizədi Kamaləddin Qafarovun fəaliyyəti ilə bağlı məlumat verdikdən sonra, onun gənc namizəd olaraq seçkilərdə parlaq qələbəsinə inandığını vurğulayıb, ilk dəfə səs verəcək gəncləri Kamaləddin Qafarova səsə verməyə dəvət etdi.

Görüşdə çıxış edən Kamaləddin Qafarov bu günədək keçirilən bütün təbliğat görüşlərindən məmnun qaldığını, gənclərlə görüşün onda böyük qürur hissi doğurduğunu qeyd etdi. Ölkəmizdə aparılan gənclər siyasəti və onun uğurlu nəticələrindən söhbət açaraq, gəncləri onlara yaradılan şəraitdən yararlanmağa çağırdı. Gəncləri dövlətimizə, millətimizə və Prezidentimizə daim sadiq olmağa və öz milli maraqları naminə çalışmağa çağırdı. Hər bir gəncin səsvermə hüququna malik vətəndaş kimi böyük məsuliyyət daşıdığını və seçkilərdə iştirak edib seçdiyi namizədə səs verməklə böyük bir siyasi missiyanı həyata keçirdiklərini bildirdi. Gəncləri bu günədək ölkəmizdə həyata keçirilən gənclər siyasətinə dəstək olaraq, həmin siyasətin bundan sonra da davam etdirilməsi məqsədilə YAP-ın namizədlərinə səs verməyə çağırdı. K.Qafarov millət vəkili seçiləcəyi təqdirdə, gənclərlə daim ünsiyyətdə olacağını, onlarla sıx görüşlər keçirəcəyini qeyd etdi.

Görüşdə çıxış edən YAP Binəqədi rayon təşkilatının aparat rəhbəri, namizədin səlahiyyətli nümayəndəsi Sevinc Abdullayeva, Binəqədi rayon sakini Pərvin Əhmədli, ilk dəfə səs verəcək gənc Aytac Abbasbəyli və YAP Binəqədi rayon təşkilatının gənc fəalı Nərgiz Qurbanova çıxış edərək seçkilərin onların həyatında mühüm əhəmiyyət kəsb etdiyini bildirdilər. Onlar dövlət başçısı, YAP-ın Sədri Cənab İlham Əliyevin gənclərə göstərdiyi diqqət və qayğıdan məmnunluqla danışaraq, bu siyasətin davamı məqsədilə YAP-ın namizədlərinə səs verəcəklərini qeyd etdilər.

Gənclərin yüksək fəallığilə seçilən görüşdə Kamaləddin Qafarov onları maraqlandıran sualları cavablandırdı, təkliflərini dinlədi.

Tags

# kəmaləddin qafarov, kamaləddin qafarov, qafurov, kemaleddin qafarov, deputat, milli məclis, milli meclis


19 İyun 2017

Gürcüstandan ölkəyə avtomobil idxalı iki dəfə artıb

Bu ilin yanvar-may aylarında Gürcüstandan Azərbaycana 14 mln. 406,5 min ABŞ dolları dəyərində 556 ədəd avtomobil gətirilib. Oxu.Az apa-ya istinadən xəbər verir ki, bu barədə Gürcüstanın Statistika Xidməti məlumat yayıb. Ölkəyə gətirilən avtomobillərin sayı ötən ilin 5 ayı ilə müqayisədə 336 ədəd və ya 2,53 dəfə çoxdur. Məbləğ baxımından isə bu rəqəm 7 mln. 311,2 min dollar və ya 2,03 dəfə çoxdur. 2016-cı ilin 5 ayında Gürcüstandan Azərbaycana 7 mln. 095,3 min dollar məbləğində 220 ədəd avtomobil gətirilib. Qeyd edək ki, bu ilin beş ayında ümumilikdə ölkəyə 2 657 ədəd avtomobil idxal olunub. Bunun da 2 240 ədədi minik avtomobili və digər motorlu nəqliyyat vasitələrinin payına düşüb. Avtomobil idxalı 19 faiz artıb

8 May 2017

Yeni qanun - Yaşıl Pasport

Azərbaycanda prezidentin fəaliyyətini bilavasitə təmin edən orqanların əməkdaşları diplomatik pasportla təmin olunacaqlar. Enter.News -un məlumatına görə, bununla bağlı “Pasportlar haqqında” qanunun 6-cı (Diplomatik pasport) maddəsinə əlavələr təklif edilir. Təklif olunan əlavələrə əsasən, Xarici İşlər Nazirliyi Azərbaycan Respublikası Prezidentinin fəaliyyətini bilavasitə təmin edən orqanların əməkdaşlarına da diplomatik pasport verəcək. Layihə plenar iclasa tövsiyə olunub və mayın 16-da müzakirəyə çıxarılacaq.

1 Fev 2017

Kamaləddin Qafarov : Azərbaycanın səhiyyə üzrə milli strategiyasında onkologiyanın inkişaf dinamikası

Azərbaycanın səhiyyə, tibb elmi və təhsili sisteminin bugünkü inkişafının ən mühüm mərhələləri bilavasitə xalqımızın Ümummilli lideri Heydər Əliyevin adı ilə bağlıdır. Ulu öndər Azərbaycan xalqının tibbi təminatını daim diqqət mərkəzində saxlamış və ölkəmizdə səhiyyə sisteminin müntəzəm olaraq yaxşılaşması üçün böyük işlər görmüşdür.

12 Dek 2016

Kamaləddin Qafarov çıxışında Heydər Əliyevlə bağlı şahidi olduğu xatirəsini bölüşdü

10 dekabr 2016-cı il tarixdə Yeni Azərbaycan Partiyası Binəqədi rayon təşkilatının inzibati binasında Binəqədi Rayon İcra Hakimiyyəti və Yeni Azərbaycan Partiyası Binəqədi rayon təşkilatının birgə təşkilatçılığı ilə Azərbaycan xalqının ümummilli lideri, dahi şəxsiyyət Heydər Əliyevin vəfatının 13-cü ildönümünə həsr olunmuş anım tədbiri keçirildi.

12 Dek 2016

Binəqədidə Ümummilli Liderin xatirəsi anılıb FOTOLAR

Bu gün Binəqədi Rayon İcra Hakimiyyəti və Yeni Azərbaycan Partiyası Binəqədi rayon təşkilatının birgə təşkilatçılığı ilə Ümummilli lider Heydər Əliyevin vəfatının 13-cü ildönümünə həsr olunmuş anım tədbiri keçirilib.