Kamaləddin Qafarov: “Bu dəfə də Azərbaycan etibarlı dost və səmimi tərəfdaş olduğunu əyani şəkildə təsdiq etdi”

Kamaləddin Qafarov: “Bu dəfə də Azərbaycan etibarlı dost və səmimi tərəfdaş olduğunu əyani şəkildə təsdiq etdi”
18 2016 00:00

Türkiyə Prezidenti Rəcəb Tayyib Ərdoğanın Ankarada terror aktl ilə bağlı Azərbaycana gələ bilməməsindən sonra Azərbaycan prezidenti İlham Əliyevin bu ölkəyə səfər etməsi iki ölkə arasında olan münasibətlərin, İlham Əliyevin bu münasibətlərə necə önəm verməsinin bariz nümunəsi oldu. Gün.Az xəbər verir ki, bunu Milli Məclisin deputatı Kamaləddin Qafarov Azərbaycan prezidenti İlham Əliyevin Türkiyəyə səfərini şərh edərkən deyib.

 Millət vəkili qeyd edib ki, Azərbaycan prezidentinin Türkiyəyə səfərlə bağlı qərar qəbul etməsi Azərbaycan xalqının yaxşı günlərdə də, ağır günlərdə hər zaman türk xalqı ilə birlikdə olduğunu nümayiş etdirir. "Həmişə olduğu kimi bu dəfə də Azərbaycan etibarlı dost və səmimi tərəfdaş olduğunu əyani şəkildə təsdiq etdi". K.Qafarov xatırladıb ki, Azərbaycan və Türkiyə bütün sahələrdə əməkdaşlıq edirlər və bunun  da nəticəsi göz qarşısındadır. "Təkcə energetika sahəsində effektiv əməkdaşlığı qeyd etsək, xatırlamalıyıq ki, məhz Azərbaycan və Türkiyənin birgə səyləri nəticəsində regionda enerji daşınmaları sahəsində yeni xəritə yarandı. Bakı-Tbilisi-Ceyhan, Bakı-Tbilisi-Ərzurum iki dövlətin əməkdaşlığının nəticəsi olaraq meydana çıxdı. Hazırda isə enerji daşınmaları sahəsində yeni bir mərhələ başlayır ki, bu da Azərbaycan və Türkiyənin birgə qərarı nəticəsində baş verir. 2012-ci ildə məhz Azərbaycan və Türkiyə TANAP layihəsinin tikintisi barədə qərar qəbul edilmiş və bununla da "Cənub Qaz Dəhlizi"nin əsası qoyulmuş, bu layihə həyata keçirilməyə başlanıb", - millət vəkili deyib. K.Qafarov vurğulayıb ki, Azərbaycan prezidentinin dostluq və qardaşlıq jesti Türkiyə ictimaiyyəti, KİV-ləri tərəfindən xüsusi qeyd edilib. "Türkiyədə Prezident İlham Əliyevin Azərbaycan-Türkiyə Yüksək Səviyyəli Strateji Əməkdaşlıq Şurasının beşinci iclasının Ankarada keçirilməsi təklifini, mürəkkəb vəziyyətdə Azərbaycanın Türkiyəyə dəstəyini yüksək qiymətləndirilib".



Tags

# kamaləddin qafarov, kamaləddin qafarov, qafarov, kemaleddin qafarov, deputat, milli məclis, milli meclis


25 Apr 2019
Cəmiyyət

Bakıda toy yasa döndü - VİDEO

Bakı-Sumqayıt şosesində yol-nəqliyyat hadisəsi baş verib. 

25 Apr 2019
Cəmiyyət

Sel Cəlilabad-Yardımlı yolunda körpünü dağıtdı - VİDEO

Dünəndən etibarən çaylarda suyun səviyyəsinin kəskin şəkildə artması Cəlilabad-Yardımlı avtomobil yolunun üzərindəki körpünü qəzalı vəziyyətə salıb.

24 Apr 2019
Cəmiyyət

Azərbaycanda 60 nəfər DƏHŞƏTLİ xəstəliyə yoluxdu - Bilən hər kəs onlardan QAÇIR

Əyilən barmaqlar, itirilən hissiyat, hər tərəfi yara və çürüyən bədən… Sümükdə ərimə, əzələ qrupunun tədricən nazikləşib yox olması, görmə qabiliyyətinin itirilməsi, daxili orqanlarda müəyyən dəyişikliklərin əmələ gəlməsi...

24 Apr 2019
Cəmiyyət

Peyvənd bütün vətəndaşlar üçün pulsuzdur— Baş pediatr

"Bütün dünyada olduğu kimi, Azərbaycanda da dövlət vaksini istehsalçıdan alarkən bir neçə il müddətinə müqavilə bağlayır. Dövlət istehsalçıdan milyon dozalarla peyvənd alır ki, bu da ona ucuz başa gəlir"