Binəqədidə şəhid əsgərin 40 mərasimi keçirilib - FOTOLAR

Binəqədidə şəhid əsgərin 40 mərasimi keçirilib - FOTOLAR
24 2016 00:00

Yanvarın 24-də cəbhənin Tərtər istiqamətindəki döyüşlərdə şəhid olmuş əsgər Rəşad Əlyar oğlu Cəfərzadənin 40 mərasimi  keçirilib. 

Realpress.az saytının məlumatına görə, Binəqədi rayonunda keçirilən mərasimdə  İcra Hakimiyyətinin rəhbərliyi, Milli Məclisin deputatı Kamaləddin Qafarov, hüquq-mühafizə orqanlarının, Binəqədi rayon Səfərbərlik və Hərbi Xidmətə Çağırış İdarəsinin, müəssisə və təşkilatların rəsmiləri, rayon ziyalıları və ictimaiyyət nümayəndələri iştirak ediblər. 
Mərasim iştirakçıları və gənclər şəhidin məzarını ziyarət edib, önünə əklil qoyublar. Daha sonra mərasim şəhidin ruhuna dualar oxumaqla davam etdirilib və yaxınlarına dərin hüzünlə başsağlığı verilib. 
Şəhidin dayısı Mahir Pənahov və onun qohumu Şahin Ağayev göstərilən yüksək diqqətə görə Ali baş komandana və Binəqədi rayonu rəhbərliyinə, xidmət göstərdiyi hərbi hissənin kollektivinə öz minnətdarlıqlarını bildiriblər. 
Mahir Pənahov bildirib ki, dövlət vətəninin azadlığı uğrunda canından keçmiş şəhidlərimizə verdiyi qiyməti bir daha təsdiqlədi. 
Mərasimdə çıxış edənlər bildiriblər ki, ölkəmizin ərazi bütövlüyü uğrunda canından keçən hər bir şəhid Azərbaycan xalqının qəlbində əbədi yaşayacaq.

Ötən il dekabrın 16-da cəbhənin Tərtər istiqamətindəki döyüşlərdə şəhid olmuş 21 yaşlı əsgər Rəşad Əlyar oğlu Cəfərzadə ailənin tək oğlan övladı idi. Rəşad Cəfərzadəni və bacısını dayısı böyüdüb.


Tags

# kəmaləddin qafarov, kamaləddin qafarov, qafurov, kemaleddin qafarov, deputat, milli məclis, milli meclis



19 İyun 2017

Gürcüstandan ölkəyə avtomobil idxalı iki dəfə artıb

Bu ilin yanvar-may aylarında Gürcüstandan Azərbaycana 14 mln. 406,5 min ABŞ dolları dəyərində 556 ədəd avtomobil gətirilib. Oxu.Az apa-ya istinadən xəbər verir ki, bu barədə Gürcüstanın Statistika Xidməti məlumat yayıb. Ölkəyə gətirilən avtomobillərin sayı ötən ilin 5 ayı ilə müqayisədə 336 ədəd və ya 2,53 dəfə çoxdur. Məbləğ baxımından isə bu rəqəm 7 mln. 311,2 min dollar və ya 2,03 dəfə çoxdur. 2016-cı ilin 5 ayında Gürcüstandan Azərbaycana 7 mln. 095,3 min dollar məbləğində 220 ədəd avtomobil gətirilib. Qeyd edək ki, bu ilin beş ayında ümumilikdə ölkəyə 2 657 ədəd avtomobil idxal olunub. Bunun da 2 240 ədədi minik avtomobili və digər motorlu nəqliyyat vasitələrinin payına düşüb. Avtomobil idxalı 19 faiz artıb

8 May 2017

Yeni qanun - Yaşıl Pasport

Azərbaycanda prezidentin fəaliyyətini bilavasitə təmin edən orqanların əməkdaşları diplomatik pasportla təmin olunacaqlar. Enter.News -un məlumatına görə, bununla bağlı “Pasportlar haqqında” qanunun 6-cı (Diplomatik pasport) maddəsinə əlavələr təklif edilir. Təklif olunan əlavələrə əsasən, Xarici İşlər Nazirliyi Azərbaycan Respublikası Prezidentinin fəaliyyətini bilavasitə təmin edən orqanların əməkdaşlarına da diplomatik pasport verəcək. Layihə plenar iclasa tövsiyə olunub və mayın 16-da müzakirəyə çıxarılacaq.

1 Fev 2017

Kamaləddin Qafarov : Azərbaycanın səhiyyə üzrə milli strategiyasında onkologiyanın inkişaf dinamikası

Azərbaycanın səhiyyə, tibb elmi və təhsili sisteminin bugünkü inkişafının ən mühüm mərhələləri bilavasitə xalqımızın Ümummilli lideri Heydər Əliyevin adı ilə bağlıdır. Ulu öndər Azərbaycan xalqının tibbi təminatını daim diqqət mərkəzində saxlamış və ölkəmizdə səhiyyə sisteminin müntəzəm olaraq yaxşılaşması üçün böyük işlər görmüşdür.

12 Dek 2016

Kamaləddin Qafarov çıxışında Heydər Əliyevlə bağlı şahidi olduğu xatirəsini bölüşdü

10 dekabr 2016-cı il tarixdə Yeni Azərbaycan Partiyası Binəqədi rayon təşkilatının inzibati binasında Binəqədi Rayon İcra Hakimiyyəti və Yeni Azərbaycan Partiyası Binəqədi rayon təşkilatının birgə təşkilatçılığı ilə Azərbaycan xalqının ümummilli lideri, dahi şəxsiyyət Heydər Əliyevin vəfatının 13-cü ildönümünə həsr olunmuş anım tədbiri keçirildi.

12 Dek 2016

Binəqədidə Ümummilli Liderin xatirəsi anılıb FOTOLAR

Bu gün Binəqədi Rayon İcra Hakimiyyəti və Yeni Azərbaycan Partiyası Binəqədi rayon təşkilatının birgə təşkilatçılığı ilə Ümummilli lider Heydər Əliyevin vəfatının 13-cü ildönümünə həsr olunmuş anım tədbiri keçirilib.