Binəqədi rayonunda onkoloji müayinə həyata keçirilir FOTO
27 2016 17:03

26 may 2016-cı il tarixdə Yeni Azərbaycan Partiyası tərəfindən namizədliyi irəli sürülmüş 9 saylı Binəqədi ikinci seçki dairəsi üzrə Milli Məclisin üzvü Kamaləddin Qafarovun təşəbbüsü, Binəqədi Rayon İcra Hakimiyyətinin təşkilati dəstəyi ilə Azərbaycan Respublikasının Milli Onkologiya Mərkəzinin peşəkar həkimləri tərəfindən Binəqədi rayonu, M.Ə.Rəsulzadə qəsəbəsi, Ə.Məlikov adına 6 saylı Mərkəzi Xəstəxanasının həyətində əhalinin onkoloji müayinəsinə başlanılıb.

Aksiyaya mərkəzin 10-dan çox peşəkar həkimi və yüksək standartlara cavab verən tibbi avadanlıqları cəlb olunub. Həkim briqadalarları və tibbi avadanlıqlar vasitəsilə müraciət edən əhaliyə bir neçə istiqamətdə - baş-boyun, mamoloq və ultrasəsmüayinəsi (USM) üzrə müayinələr həyata keçirilir. Səhər saat 09:00-da başlayan aksiya saat 15:00-dək davam edəcək və bu vaxt aralığında müraciət edən bütün vətəndaşlar aksiyadan yararlana biləcəklər.
Aksiyaya Binəqədi Rayon İcra Hakmiyyətindən, Yeni Azərbaycan Partiyası Binəqədi rayon təşkilatından, M.Ə.Rəsulzadə bələdiyyəsindən təşkilati dəstək göstərilir.
Ə.Məlikov adına 6 saylı Mərkəzi Xəstəxanası tərəfindən əhalinin qeydiyyatının aparılması üçün xüsusi otaq ayrılıb və qeydiyyatın xəstəxananın tibb heyətindən əməkdaşlar cəlb olunub. Aksiyada müraciət edən hər bir şəxsin dəqiq qeydiyyatı aparılır və şikayətinə uyğun olaraq aidiyyəti müayinə otaqlarına yönləndirilir. Müayinələr isə həm xəstəxananın müayinə otaqlarında, həm də xəstəxananın həyətində yaradılmış səyyar həkim briqadaları tərəfindən reallaşdırılır. Vətəndaşların müayinələrinin nəticələri rəsmi qaydada özlərinə təqdim edilir. Artıq müayinə olunmaq üçün aksiyaya yüzlərlə insan qatılıb.
Əhalinin onkoloji müayinəsini nəzərdə tutan aksiya may ayının 27-də də davam edəcək.

Gürcüstandan ölkəyə avtomobil idxalı iki dəfə artıb

Bu ilin yanvar-may aylarında Gürcüstandan Azərbaycana 14 mln. 406,5 min ABŞ dolları dəyərində 556 ədəd avtomobil gətirilib. Oxu.Az apa-ya istinadən xəbər verir ki, bu barədə Gürcüstanın Statistika Xidməti məlumat yayıb. Ölkəyə gətirilən avtomobillərin sayı ötən ilin 5 ayı ilə müqayisədə 336 ədəd və ya 2,53 dəfə çoxdur. Məbləğ baxımından isə bu rəqəm 7 mln. 311,2 min dollar və ya 2,03 dəfə çoxdur. 2016-cı ilin 5 ayında Gürcüstandan Azərbaycana 7 mln. 095,3 min dollar məbləğində 220 ədəd avtomobil gətirilib. Qeyd edək ki, bu ilin beş ayında ümumilikdə ölkəyə 2 657 ədəd avtomobil idxal olunub. Bunun da 2 240 ədədi minik avtomobili və digər motorlu nəqliyyat vasitələrinin payına düşüb. Avtomobil idxalı 19 faiz artıb

8 May 2017

Yeni qanun - Yaşıl Pasport

Azərbaycanda prezidentin fəaliyyətini bilavasitə təmin edən orqanların əməkdaşları diplomatik pasportla təmin olunacaqlar. Enter.News -un məlumatına görə, bununla bağlı “Pasportlar haqqında” qanunun 6-cı (Diplomatik pasport) maddəsinə əlavələr təklif edilir. Təklif olunan əlavələrə əsasən, Xarici İşlər Nazirliyi Azərbaycan Respublikası Prezidentinin fəaliyyətini bilavasitə təmin edən orqanların əməkdaşlarına da diplomatik pasport verəcək. Layihə plenar iclasa tövsiyə olunub və mayın 16-da müzakirəyə çıxarılacaq.

1 Fev 2017

Kamaləddin Qafarov : Azərbaycanın səhiyyə üzrə milli strategiyasında onkologiyanın inkişaf dinamikası

Azərbaycanın səhiyyə, tibb elmi və təhsili sisteminin bugünkü inkişafının ən mühüm mərhələləri bilavasitə xalqımızın Ümummilli lideri Heydər Əliyevin adı ilə bağlıdır. Ulu öndər Azərbaycan xalqının tibbi təminatını daim diqqət mərkəzində saxlamış və ölkəmizdə səhiyyə sisteminin müntəzəm olaraq yaxşılaşması üçün böyük işlər görmüşdür.

12 Dek 2016

Kamaləddin Qafarov çıxışında Heydər Əliyevlə bağlı şahidi olduğu xatirəsini bölüşdü

10 dekabr 2016-cı il tarixdə Yeni Azərbaycan Partiyası Binəqədi rayon təşkilatının inzibati binasında Binəqədi Rayon İcra Hakimiyyəti və Yeni Azərbaycan Partiyası Binəqədi rayon təşkilatının birgə təşkilatçılığı ilə Azərbaycan xalqının ümummilli lideri, dahi şəxsiyyət Heydər Əliyevin vəfatının 13-cü ildönümünə həsr olunmuş anım tədbiri keçirildi.