Azərbaycan Respublikası Prezidentinin “Məcburi köçkünlər və onlara bərabər tutulan şəxslər üçün vahid aylıq müavinətin müəyyən edilməsi haqqında” 2017-ci il 23 yanvar tarixli Fərmanının icrası ilə əlaqədar Binəqədi Rayon İcra Hakimiyyətində müşavirə keçirilib.
AZƏRTAC xəbər verir ki, müşavirədə çıxış edən Binəqədi Rayon İcra Hakimiyyətinin başçısı Xaləddin İsgəndərov Fərmandan irəli gələn vəzifələrin icrası ilə əlaqədar görüləcək işlərdən danışıb.
“Azərişıq” ASC-nin İnkişaf və İnvestisiya Departamentinin direktoru Toğrul Rəhimov isə təmsil etdiyi qurumun Fərmanın icrası ilə əlaqədar gördüyü hazırlıq işləri barədə məlumat verib. O, rayon icra hakimiyyətinin, eləcə də müvafiq strukturların köməyinə ehtiyac olduğunu vurğulayıb, məsələnin həllinə operativ yanaşdığına görə rayon rəhbərliyinə minnətdarlığını bildirib.
Müzakirələrdə iştirak edən rayon polis idarəsinin rəisi Namiq İsmayılov, Qaçqınların və Məcburi Köçkünlərin İşləri üzrə Dövlət Komitəsinin Binəqədi rayonu üzrə sektorunun müdiri Abuş Məmmədov öz təklif və fikirlərini bildiriblər.
Sonda X.İsgəndərov Fərmanın icrası ilə əlaqədar sakinlər arasında izahat və maarifləndirmə işləri aparmaq və görüləcək işlərin operativliyini təmin etmək məqsədilə xüsusi işçi qrupunun yaradılması barədə, habelə müzakirə olunan digər məsələlərlə bağlı tapşırıq və tövsiyələrini verib.
Rəqəmsal İnkişaf və Nəqliyyat Nazirliyinin tabeliyindəki Azərbaycan Yerüstü Nəqliyyat Agentliyinin (AYNA) işğaldan azad olunmuş ərazilərə təşkil etdiyi müntəzəm avtobus reyslərinə may ayı üçün biletlər 26 aprel 2024-cü il saat 11:00-da satışa çıxarılacaq.
Malıbəylidə ən azı altı nəfərə aid olduğu ehtimal edilən sümük fraqmentləri aşkar edilib.
Dövlət İmtahan Mərkəzinin aprelin 28-də ali təhsil müəssisələrinin magistraturalarına keçirəcəyi qəbul imtahanında (II cəhd) 19716 bakalavr iştirak edəcək.
