Bu gün Binəqədi Rayon İcra Hakimiyyətində Rayon İcra Hakimiyyətinin başçısı Xaləddin İsgəndərovun sədrliyi ilə Azərbaycan Prezidentinin “Məcburi köçkünlər və onlara bərabər tutulan şəxslər üçün vahid aylıq müavinətin müəyyən edilməsi haqqında” 23 yanvar 2017-ci il tarixli Fərmanının icrası ilə əlaqədar müşavirə keçirilib.
Müşavirədə “Azərişıq” ASC-nin İnkişaf və İnvestisiya Departamentinin direktoru Toğrul Rəhimov, Binəqədi Rayon Polis İdarəsinin rəisi Namiq İsmayılov, Rayon Prokuroru Nazim İmanov, Rayon İcra Hakimiyyəti başçısının müavinləri, Aparatın şöbə müdirləri, Binəqədi rayon Mənzil-Kommunal Təsərrüfatı Birliyinin rəisi Azər Məmmədov, Qaçqınların və Məcburi Köçkünlərin İşləri üzrə Dövlət Komitəsinin Binəqədi rayonu üzrə sektorunun müdiri Abuş Məmmədov və Binəqədi Enerji Təhcizatı və Satışı İdarəsinin rəisi Azad Mustafayev iştirak ediblər.
Müşavirəni giriş sözü ilə açan Binəqədi Rayon İcra Hakimiyyətinin başçısı Xaləddin İsgəndərov tədbirin mahiyyəti barədə məlumat verib.
Sonra “Azərişıq” ASC-nin İnkişaf və İnvestisiya Departamentinin direktoru T.Rəhimov çıxış edərək, Fərmandan irəli gələn vəzifələrin icrası ilə əlaqədar “Azərişıq” ASC tərəfindən görülən hazırlıq işləri və görüləsi işlər barədə ətraflı məlumat verib. Daha sonra T.Rəhimov görüləcək işlərdə Rayon İcra Hakimiyyətinin, eləcə də müvafiq strukturların köməyinə ehtiyac olduğunu vurğulayaraq, məsələnin həllinə operativ yanaşdıqlarına görə rayonun rəhbər strukturlarına təşəkkürünü bildirib.
Müzakirələrdə Binəqədi Rayon Polis İdarəsinin rəisi N.İsmayılov, Qaçqınların və Məcburi Köçkünlərin İşləri üzrə Dövlət Komitəsinin Binəqədi rayonu üzrə sektorunun müdiri A.Məmmədov iştirak edərək, öz təklif və fikirlərini bildiriblər.
Rayon İcra Hakimiyyətinin başçısı X.İsgəndərov müşavirəyə yekun vuraraq, Fərmanının icrası ilə əlaqədar yerlərdə əhali arasında izahat və maarifləndirmə işləri aparmaq və görüləcək işlərin operativliyini təmin etmək məqsədilə Rayon İcra Hakimiyyəti başçısının Sərəncamı ilə xüsusi işçi qrupunun yaradılması, Rayon İcra Hakimiyyəti başçısının müavinləri və şöbə müdirləri arasında ərazilər üzrə bölgü aparılması barədə, habelə müzakirə olunan digər məsələlərlə əlaqədar aidiyyəti üzrə müvafiq tapşırıq və tövsiyələrini verib.
Rəqəmsal İnkişaf və Nəqliyyat Nazirliyinin tabeliyindəki Azərbaycan Yerüstü Nəqliyyat Agentliyinin (AYNA) işğaldan azad olunmuş ərazilərə təşkil etdiyi müntəzəm avtobus reyslərinə may ayı üçün biletlər 26 aprel 2024-cü il saat 11:00-da satışa çıxarılacaq.
Malıbəylidə ən azı altı nəfərə aid olduğu ehtimal edilən sümük fraqmentləri aşkar edilib.
Dövlət İmtahan Mərkəzinin aprelin 28-də ali təhsil müəssisələrinin magistraturalarına keçirəcəyi qəbul imtahanında (II cəhd) 19716 bakalavr iştirak edəcək.
