Azərbaycanda sığortalıların reyestri yaradılacaq

Azərbaycanda sığortalıların reyestri yaradılacaq
05 Dek 2016 16:22

Azərbaycanda sığorta şirkətlərinin xidmətindən istifadə edən ölkə vətəndaşlarının məlumat bazasının yaradılması planlaşdırılır. Bu məsələ Maliyyə Bazarlarına Nəzarət Palatasının sığorta bazarı ilə bağlı tədbirlər planının tərkib hissəsi kimi reallaşdırılacaq.

Sığortalıların reyestrinin yaradılmasında məqsəd sığorta hadisəsi nisbətən az və yaxud çox baş vermiş müştərilər arasında fərq qoyulması, onların ödədiyi sığorta haqqının məbləğini buna uyğun müəyyən edilməsidir (differensiallaşmasıdır).

“Sığortalıların reyestri hazırda bankların istifadə etdiyi Mərkəzləşdirilmiş Kredit Reyestrinə (MKR) oxşar olacaq. Yəni, sığorta şirkətləri hansısa müştəri ilə müqavilə bağlamazdan əvvəl onun nə dərəcədə məsuliyyətli müştəri olması, başqa sığorta şirkətlərini nə qədər xərcə salması barədə məlumatları əldə edəcəklər və buna uyğun olaraq ondan sığorta haqqı alacaqlar. Hazırda avtomobillərin icbari sığortasında belə bir reyestr var, “Bonus-Malus” sistemi formasında tətbiq olunur. Yaradılacaq reyestr isə digər sığorta növlərində, məsələn, kasko sığorta, daşınmaz əmlakın sığortası, eləcə də daşınmaz əmlakın istismarı ilə bağlı mülki məsuliyyətin sığortasında da məsuliyyətli və məsuliyyətsiz müştərilərə fərqli yanaşmanı təmin edəcək”, – deyə Palatadan bildirilib.


24 May 2019
İqtisadiyyat

İqtisadiyyat Nazirliyində yeni vəzifə təyinatları

İqtisadiyyat Nazirliyi yanında “İstehlak Mallarının Ekspertizası Mərkəzi” MMC-nin direktoru Fazil Məmmədov nazirin müşaviri təyin olunub.

21 May 2019
İqtisadiyyat

Azərbaycanda dörd ayda 436 ədəd minik avtomobili istehsal olunub

2019-cu ilin yanvar-aprel aylarında Azərbaycanda maşın və avadanlıqların, sair nəqliyyat vasitələrinin, avtomobil, qoşqu və yarımqoşquların istehsalı sahələrində 69,3 milyon manatlıq məhsul istehsal edilib.

20 May 2019
İqtisadiyyat

Dollar və manatın bugünkü məzənnəsi

Azərbaycan Mərkəzi Bankı 20 may tarixinə olan valyuta məzənnələrini açıqlayıb.